Голландиялик яримҳимоячи Донни ван де Бек жорий мавсум охирида “Манчестер Юнайтед”ни Испанияга клубига алмаштириши мумкин. “Todofichajes” нашрининг маълум қилишича, марказий яримҳимоячи хизматларига Мадриднинг “Атлетико” клуби қизиқиш билдирмоқда.
Ван де Бекнинг “Олд Траффорд”да ишлари унча юришмади ва шу боис манкунианликлар футболчининг трансферига рози бўлиши мумкин. Ўз навбатида Донни ўйин амалиёти камлиги туфайли жамоани алмаштиришга тайёр.
Мадрид клуби ван де Бекнинг салоҳиятини юқори баҳолашмоқда ва уни очиб беришга ҳаракат қилишади. Трансфер суммаси 20-25 миллион еврога баҳоланмоқда.
