“Барселона” марказий ҳимоячиси Роналд Араухо Испания кубоги 1/16 финалида Линарес билан ўйинда (2:1) жароҳат олди, деб хабар беради "AS".
Чуқурлаштирилган текширув натижалари ҳозирча номаълум, бироқ шифокорларнинг дастлабки маълумотларига кўра, футболчининг билак суяги синган. Ушбу жароҳат туфайли футболчи бир неча ойни ўтказиб юбориши мумкин.
Маълумот учун, Араухо 2020 йилдан бери "кўк-анорранглилар"нинг асосий жамоасида ҳаракат қилиб келмоқда. Футболчининг клуб билан шартномаси 2023 йилнинг июнигача амал қилади. Трансфермаркт портали маълумотларига кўра, футболчининг бозор қиймати 25 миллион еврони ташкил қилади.
