Ўтган турда охирги дақиқаларда ғалабани қўлдан чиқарган "Удинезе" бу сафар мағлубиятдан қутулиб қолди. 

Микколи биринчи таймда ҳисобни очгач, "Палермо" узоқ вақт ҳисобда олдинда борди. Меҳмонлар раиқб дарвозасида айтарли хавфли вазиятлар ҳам яратмаётган эдилар. Аммо биргина самарали комбинация ҳисобнинг тенглашишига олиб келди. Голни иккинчи таймда майдонга тушган футболчилар ташкил қилдилар. Перейранинг ошириб берган пасини Торже голга айлантирди ва қимматли бир очкони олиб келди. 

Ушбу очко "Удинезе"нинг яна учинчи ўринга кўтарилиб олишига замин яратди. Аммо бу вақтинчалик ҳолат. Чунки "Лацио" ҳам, "Наполи" ҳам эртага очко олгудек бўлишса, удинеликлар яна бешинчи поғонага тушиб кетадилар.  

ПАЛЕРМО – УДИНЕЗЕ – 1:1 (1:0)

Голлар: Микколи (32) Торже (85).

ПАЛЕРМО: Вивиано, Пизано, Лабрин, Миланович, Бальдзаретти (Агиррегарай, 81), Мас. Донати, Мильяччио, Мантовани, Э. Баррето (Дела Рокка 88), Эрнандес (Иличич, 70), Микколи.

УДИНЕЗЕ: Ҳанданович, Экстранд, Ларангейра, Кода, Паскуале (Армеро, 46), Абди, Пациенца (Торже, 66), Пинци, Асамоа, Баста (Перейра, 46), Ди Натале.

Огоҳлантиришлар: Экстранд (49), Мильяччио (73), Иличич (81).