«Барселона» ўнг қанот ҳимоячиси Сержи Робертога маошини сезиларли даражада қисқартирган ҳолда 2 йиллик шартнома таклиф қилмоқчи.

Marca хабарига кўра, каталонияликлар янги шартнома тузиш бўйича музокараларни давом эттиришга қарор қилган, яқин кунларда футболчининг агенти билан учрашув бўлиб ўтади.

Хави жамоаси бош мураббийига футболчининг турли позицияларда ўйнай олиши, шунингдек, клубга содиқлиги ёқади.

Клуб ўзаро ҳамкорликни икки йилга узайтиришни таклиф қилмоқда, аммо Роберто иш ҳақини сезиларли даражада камайишига рози бўлиши керак.

Шу билан бирга, шартномада индивидуал ва жамоавий натижалар билан боғлиқ турли бонуслар ҳам кўзда тутилади.

Маълумот учун, жорий мавсум 29 ёшли испаниялик футболчи Ла Лигада 9 та ўйин ўтказиб, 2 та гол урди.