«Barselona» o‘ng qanot himoyachisi Serji Robertoga maoshini sezilarli darajada qisqartirgan holda 2 yillik shartnoma taklif qilmoqchi.

Marca xabariga ko‘ra, kataloniyaliklar yangi shartnoma tuzish bo‘yicha muzokaralarni davom ettirishga qaror qilgan, yaqin kunlarda futbolchining agenti bilan uchrashuv bo‘lib o‘tadi.

Xavi jamoasi bosh murabbiyiga futbolchining turli pozisiyalarda o‘ynay olishi, shuningdek, klubga sodiqligi yoqadi.

Klub o‘zaro hamkorlikni ikki yilga uzaytirishni taklif qilmoqda, ammo Roberto ish haqini sezilarli darajada kamayishiga rozi bo‘lishi kerak.

Shu bilan birga, shartnomada individual va jamoaviy natijalar bilan bog‘liq turli bonuslar ham ko‘zda tutiladi.

Ma’lumot uchun, joriy mavsum 29 yoshli ispaniyalik futbolchi La Ligada 9 ta o‘yin o‘tkazib, 2 ta gol urdi.