“Реал”нинг собиқ мураббийи Зинедин Зидан ПСЖ раҳбариятининг манфаатлари доирасида тушиб қолган. Француз грандини ҳозирги устози Маурисио Почеттинонинг фаолияти қониқтирмаяпти, клуб эса аргентиналик мутахассиснинг ишдан бўшатиш ҳақида ўйламоқда.
“Sport.es” нашрининг ёзишича, парижликлар Зиданни жамоа бош мураббийлигига идеал номзод сифатида кўрмоқда. ПСЖ келаси ёзда афсонавий французга таклиф билан чиқишни режалаштирмоқда.
Қайд этилишича, Зизунинг тайинланиши узоқ вақтдан буён “Реал”га ўтиши кутилаётган ҳужумчи Килиан Мбаппени жамоада сақлаб қолишга ёрдам беради.
Маълумот ўрнида, Зинедин ўтган йилнинг май ойи охирида “Реал”ни тарк этган ва шундан бери ишсиз.
