“Ливерпул”нинг сенегаллик ҳужумчиси Садио Мане қўлга киритилган барча совринларни Африка Миллатлар кубоги бош совринига бажонидил алмашишини тан олди.
“Мен бутун фаолиятим давомида “ов қилдим”, лекин ўлжага қарамай, мен ҳали ҳам очман. Сенегал халқи бу соврини узоқ кутган. Мен бу кубок учун ҳамма нарсани алмаштирган бўлардим”, - Маненинг сўзларини келтиради “Mirror”.
Англия Премьер-лигасининг жорий мавсумида Мане 20 та ўйин ўтказиб, 8 та гол урди ва 1 та голли узатмани амалга оширди. Африка миллатлар кубоги 9 январдан 6 февралга қадар Камерунда бўлиб ўтади. “B” гуруҳида Сенегал Зимбабве, Гвинея ва Малави терма жамоалари билан ўйнайди.
