“Манчестер Сити” Испания грандлари билан жаҳон футболидаги энг яхши марказий ҳужумчилардан бири, ҳозирда Германиянинг “Боруссия Дортмунд” клубида тўп сураётган Эрлинг Холанд учун курашга қўшилди. 

“The Athletic” нашри журналистларига хабар қилишича, “шаҳарликлар” ёзги трансфер ойнасида норвегиялик ҳужумчи учун курашга киришади. Премьер-лига чемпионининг асосий рақобатчилари – “Реал Мадрид” ва Каталониянинг “Барселона” клублари.

Бир неча кун аввал ОАВда Эрлинг қайси клубда фаолиятини давом эттириши ҳақида қарор қабул қилгани ҳақида хабарлар тарқалганди. Скандинавиялик тўпурар “Реал” билан шартнома имзолашни исташини айтганди.