“Атлетико” ва Франция терма жамоаси ҳужумчиси Антуан Гризманн ўзининг ҳамюрти ва “Барселона”даги собиқ жамоадоши Самуэль Умтитини омма олдида мақтади.

30 ёшли ҳужумчи 2016 йилда Умтити "Барселона"да "янги Беккенбауэрга" айланиши мумкинлигини айтган Эрик Абидал билан интервюни ўз саҳифасига қайта жойлаштирган журналист Дидье Рустаннинг сўзларига Twitterда муносабат билдирди. Рустаннинг сўзларига кўра, ҳозир бу гаплар жуда кулгили эшитилади.

"Самуэль бўлмаганида, иккинчи юлдуз ҳам бўлмасди (гап Франция терма жамоасининг 2018 йилги жаҳон чемпионатидаги ғалабаси ҳақида кетмоқда, бу французлар учун тарихда иккинчи бўлди).

Умтити бир йил давомида ажойиб формада эди, кейин эса бу мураббийлар танлови. У ибратли профессионал футболчи. Барча ёш француз марказий ҳимоячилари ундан ўрнак олишса арзийди”, – деб ёзади Гризманн.