"Вильярреал" ҳужумчиси Арно Данжума фаолиятини бошқа жамоада давом эттириши мумкин.
"The Telegraph" журналисти Давид Орнштейн хабарига кўра, "Ливерпуль" футболчини сотиб олишга қизиқиш билдираётган асосий жамоалардан бири. Форварднинг ўз "сариқ сувости кемаси"да бахтли. Агарда, "қизиллар" футболчи билан шахсий шартнома шартларини келиша олса, "Вильярреал" ҳисобига 75 миллион евро тушуриш орқали Данжумани ўз сафига қўшиб олиши мумкин.
Маълумот учун, нидерландиялик 24 ёшли ҳужумчининг испан клуби билан амалдаги шартномаси 2026 йилнинг ёзида ниҳоясига етади.
У жорий мавсум Ла Лиганинг 12 ўйинида майдонга тушиб, 5 гол урди ва 2 голли узатмани амалга оширди.
