Туриннинг “Ювентус” клуби бош мураббийи Массимилиано Аллегри А серия 20-туридан ўрин олган “Наполи”га қарши ўйиндан кейин норозилик билдирди. Бу ҳақда “Gazzetta dello Sport” нашри хабар бермоқда.
Манбанинг хабар беришича, “кекса синьора” бош мураббийи ҳакамга нисбатан беадаб сўзлар айтгани учун бир ўйинга дисквалификация қилинган. Бундан ташқари, мураббий ўн минг евро миқдорида жарима тўлашга мажбур бўлди.
Эслатиб ўтамиз, учрашув 1:1 ҳисобида дуранг билан якунланган эди.
Шу тариқа, Аллегри А сериядаги навбатдаги ўйинни ўтказиб юборади. 9 январь куни “Ювентус” сафарда “Рома” билан учрашади.
