“Арсенал”нинг испаниялик ҳимоячиси Пабло Мари “Фламенго”га ўтиши мумкин. Бразилия клуби мавсум охиригача Лондон жамоасидан футболчи олишга тайёр. Бу ҳақда журналист Никола Скира хабар берди.
28 ёшли Мари 2020 йилнинг январь ойида Бразилия клубидан “Арсенал”га ўтган эди. Аввалига "канонирлар" футболчини олти ойга 8 миллион еврога ижарага олди, кейин эса унинг шартномасини 6 миллион еврога сотиб олди ва у билан 2024 йилгача шартнома имзолади.
Жорий мавсумда испаниялик ҳимоячи чемпионатнинг иккита ўйинида, шунингдек, Англия Лига кубоги доирасидаги битта ўйинда ҳаракат қилди. Трансфермаркт Марининг бозор нархини 5 миллион еврога баҳоламоқда.
