Дани Алвес “Барселона”нинг “Гранада”га қарши асосий таркибида майдонга тушди ва шу тариқа Каталония клубининг янги рекордини ўрнатди. Бразилиялик футболчи Каталония клуби либосида Ла Лигада майдонга тушган энг кекса футболчи бўлади. Ҳозирда у 38 ёшу 247 кунлик. Шу тариқа, у 2014 йил 17 май куни 38 ёшу 190 кунлигида “Барса” таркибида сўнгги ўйинини ўтказган Пинтодан ўзиб кетди.
Аввалроқ Дани Алвес “кўк-анорранглилар” сафида ўйнаган эди (2008 йилдан 2016 йилгача бўлган давр). Бу вақт ичида у жами 247 та ўйин ўтказиб, 14 та гол урган.
