Кеча Испания чемпионати 20-туридан ўрин олган "Реал Мадрид" – Валенсия" учрашуви бўлиб ўтди (4:1). Қуйида ушбу баҳсга оид қизиқарли факт ва статистикалар билан танишиб чиқишингиз мумкин.
– “Реал” Анчелотти қўл остида Ла Лига доирасида кетма-кет 27 та уй ўйинида ютқазмади. Уй ўйинларида жамоа 423 дақиқа давомида ўз дарвозаси дахлсизлигини сақлаб турди. Бу Анчелотти давридаги энг яхши натижа;
– Карим Бензема “Реал” сафида 300 та гол урган тарихдаги тўртинчи футболчига айланди. Ундан аввал Криштиану Роналду (450 гол), Раул (323) ва Алфредо Ди Стефано (308) ушбу натижани қайд этганди;
– Винисиус Жуниор Ла Лига жорий мавсумидаги голлари сонини 12 тага етказиб олди. Фақат Бензема (17) бу борада ундан олдинда. Шунингдек, Вини “гол+пас” тизимида 20 талик довондан ўтди;
– Бензема “Реал” сафида ўзи ижро этган барча 15 та пенальтини голга айлантирди. Карим бунча пенальтини хатосиз амалга оширган клуб тарихидаги илк футболчи бўлди.
