“Ливерпуль” бош мураббийи Юрген Клопп Англия кубоги 1/32 финалида “Шрусбери Таун”га қарши ўйинда жамоани майдонга бошлаб чиқади, дея хабар беради клуб матбуот хизмати.
Эслатиб ўтамиз, германиялик мутахассис 1 январь куни коронавирусга чалинган эди. Клопп касаллиги туфайли Англия Премьер-лигасининг 21-туридан ўрин олган “Челси”га қарши ўйинни (2:2) ўтказиб юборди. Жамоани Клоппнинг ёрдамчиси Пеп Линдерс бошқарди.
Бугун, 9 январь куни Ливерпул шаҳридаги “Энфилд” стадионида Англия кубоги 1/32 финали доирасидаги “Ливерпуль” – «Шрусбери Таун” учрашуви бўлиб ўтади. Учрашув Тошкент вақти билан соат 19:00да бошланади.
