Италия чемпионати 21-туридан ўрин олган учрашувда “Женоа” ўз майдонида “Специя”га имкониятни бой берди (0:1).
Андрей Шевченко бош мураббий этиб тайинланганидан кейин Генуя жамоаси ҳали А Серияда ғалаба қозона олгани йўқ.
“Женоа” чемпионатда тўққизта ўйин ўтказиб, олтита мағлубият қайд этган. Шунингдек, уч марта дуранг ўйнаган.
Генуяликлар Шевченко қўл остидаги ягона ғалабани Италия кубогида "Салернитана"ни мағлуб этиб (1:0) қўлга киритган.
Маълумот учун, украиналик собиқ футболчи коронавирус туфайли бугунги ўйинни ўтказиб юборди.
