“Рома” устидан қозонилган ғалабадан сўнг (4:3), “Ювентус” футболчиси Маттиа Де Шильо ўйин ҳақида ўз таассуротлари билан ўртоқлашди.

“Ўйин қандай кечганини ҳисобга олсак, бу жуда муҳим ғалабадан хурсандман. Рақибнинг кучини тўғри баҳолай олмадик ва кетма-кет иккита гол ўтказиб юбордик.

Бироқ, кейин биз характер кўрсатдик ва қийин даврда жамоамиз ўзини кўрсата олишини тасдиқладик, лекин биз бошидан шундай ўйнашимиз керак эди.

Бу йил биз бугун кўрсатилган камбэк ва характер туфайли муваффақиятга эришишимиз зарур. Бу бизнинг иккинчи даражали қуролимиз бўлиши керак.

Кетма-кет иккита гол ўтказиб юбориш - бу жиддий зарба, биз бу борада қийинчиликларга дуч келдик, аммо шундан кейин уйғондик”, - деди Де Шильо.