“Ювентус” ҳужумчиси Федерико Кьеза Италия чемпионатининг 21-тури доирасидаги “Рома”га қарши ўйинда (4:3) жароҳат олди, деб хабар беради DAZN.
Манбанинг хабарига кўра, футболчининг тиззасидаги хоч боғлами ёрилган бўлиши мумкин. Бу ҳолатда футболчи мавсумнинг қолган қисмини ўтказиб юборади. Футболчининг ҳолати эртага маълум қилинади. Шунингдек, жароҳат олганидан сўнг, у мустақил ҳаракатлана олмади.
Кьеза 32-дақиқада алмаштирилди. Унинг ўрнига Деян Кулушевски майдонга тушди. 24 ёшли италиялик жорий мавсумда жамоа сафида барча турнирларда 18 та ўйинда майдонга тушиб, 4 та гол ва 4 та голли узатмага муаллифлик қилган.
