Бразилия Футбол Федерацияси (CBF) раҳбарлари ўзларининг Чилилик ҳамкасблари билан ўзаро келишувга эришган, дея хабар бермоқда Goal.com нашри.
Бу келишувга биноан, 2015 йилги қитъа чемпионати мезбонлиги Бразилиядан Чилага кўчди.
Хабарингиз бор, Жанубий Америкадаги кетма-кетлик тизими асосида 2015 йилдаги Копа Америка турнирига Бразилия мезбонлик қилиши керак эди. Аммо бир қатор ноқулайликлар ва Бразилиядаги тиғиз тақвимга асосланган ҳолда ушбу турнир мезбонлиги Чилига топширилди. Бразилия эса ушбу турнирга 2019 йилда мезбонлик қиладиган бўлди.
Ҳабарингиз бор Бразилия 2014 йилда жаҳон чемпионатига мезбонлик қилади. Ундан олдинроқ конфедерациялар кубоги, орадан икки йил ўтиб Рио дe-Жанейрода олимпмада ўйинлари ҳам ўтказилади. Қисқа вақт ичида бундай йирик мусобақаларни ўзида ўтказиш мамлакат учун бироз ноқулайлик ва қийинчилик туғдириши мумкин. Айнан мана шу сабаблар ҳисобга олинган ҳолда юқоридаги қарор қабул қилинган.
