Гарет Бэйл фаолиятини бошқа жамоада давом эттиришга яқин турибди. Бу ёзда унинг мадридликлар билан шартномаси тугайди. Аввалроқ хабар қилинганидек, "Реал" уэльслик футболчи билан шартномани узайтирмайди.
"Sky Sports" хабарига кўра, Бэйлда келажаги учун иккита вариант бор. Биринчиси –фаолиятини якунлаши. Уэльс терма жамоаси Қатардаги жаҳон чемпионатига чиқа олмаса, бу содир бўлади. Агар терма жамоа жаҳон чемпионатига йўл олса, Бэйл янги клуб излайди.
Қайд этилишича, футболчи ва Чемпионшипда 20-ўринда бораётган "Кардифф" жамоалари ўртасидаги музокаралар ҳал қилувчи паллага кирган.
