"Ливерпуль" мисрлик юлдузи Муҳаммад Салоҳ билан амалдаги шартномани узайтириш устида ишламоқда.
Журналист Фабрицио Романо хабар беришича, хозирда Мерсисайд клуби учун устувор вазифа – Муҳаммад Салоҳ билан янги шартнома имзолаш. Жамоа узоқ вақтдан буён Салоҳ ва унинг агенти билан музокаралар олиб бормоқда. Жамоа иложи борича ёзга қадар футболчи билан шартномани узайтирмоқчи.
Аввалроқ ҳужумчи ҳафтасига 500,000 евро маош олмоқчи эканлиги ҳақида хабарлар чиққан эди.
Жорий мавсум 29 ёшли мисрлик тўпурар "қизиллар"нинг АПЛдаги 20 ўйинида майдонга тушиб, 16 гол урди ва 9 голли узатмани амалга оширди.
