МЛСнинг "Орландо" клуби билан шартномаси тугаганидан сўнг эркин агентлик бозорига кирган 35 ёшли португалиялик вингер Луиш Нани яна Италияга қайтиши мумкин, дея хабар беради журналист Жанлука Ди Марсио ўзининг расмий сайтида.
"Манчестер Юнайтед"нинг собиқ футболчиси, аввалроқ Италияда "Лацио"да ўйнаган Нани бирданига А Сериянинг иккита клуби - "Женоа" ва "болонья"га таклиф қилинди.
2017/2018 йилги мавсумда "Лацио" сафида Нани барча турнирларда 25 та ўйин ўтказиб, 3 та гол ва 3 та голли узатмани амалга оширди. Энди унинг бозор қиймати 2 миллион еврога баҳоланмоқда.
