Англия терма жамоаси собиқ ҳужумчиси, ҳозирда эксперт вазифасида ишлаётган Гари Линекер Англия кубогининг учинчи босқичидан ўрин олган «Манчестер Юнайтед» ва «Астон Вилла» (1:0) жамоалари ўртасидаги ўйинда ҳакамларнинг баъзи қарорини танқид остига олди. Жумладан, меҳмонлар форварди Дэнни Ингс томонидан урилган гол офсайд туфайли бекор қилинди.
«Ушбу вазиятга VARнинг аралашиш шубҳали бўлди. Ҳакам бу голни бекор қилиш учун ҳар қандай баҳонани топишга тайёрдек кўринди. Бу вазиятда голни бекор қилиш сабаб йўқ эди, деб ўйлайман», — дея ёзди Линекер «Твиттер» орқали.
