ПСЖ ҳужумчиси Неймар ноябрь ойида "Сент-Этьен"га қарши (1:3) Лига-1 учрашувида олган жароҳатидан тикланишда давом этмоқда.
Клуб рухсати билан ҳужумчи Бразилияда яна бир ҳафта бўлди ва жароҳатидан тикланишни давом эттириш учун якшанба куни Парижга қайтди. Уйда Неймар ҳар куни физиотерапевт ва фитнес мураббийи билан ишламоқда.
Айни дамда бразилияликнинг тикланиш жараёни режадагидек кетмоқда.
"L'Equipe" хабарига кўра, футболчи "Реал Мадрид"га қарши Чемпионлар лигаси 1/8 финали ўйинигача майдонга қайтишга ишончи комил. Клублар ўртасидаги биринчи ўйин 15 февраль куни, жавоб ўйини 8 март куни бўлиб ўтади.
