Зарафшонликлар устози матбуот анжуманига юқори кайфиятда ташриф буюрди.

- Бундай гранд жамоаларга қарши ўз майдонимизда дуранг ўйнаш ҳам ғалабага тенгдир. “Бунёдкор” ҳар бир жабҳада биздан устунлигини билардик, шунинг учун ҳам натижа биз учун биринчи планга чиққанди. Илгари “Пахтакор”да бошқача муҳит эди ва савияли ўйинчилар билан иш олиб борган бўлсам, “Қизилқум”даги фаолиятим бироз бошқача. Бу ерда ҳамма нарса мен учун янги, - деди Равшан Акмалович.

- Янги мавсумдан нималар кутяпсиз?  

- Юқорида таъкидлаганимдек, илгари “Пахтакор”да ишлаб бир хил муҳитга кўникиб қолгандим. Шу боисдан ҳам ўртамиёна жамоада ишлаб, аслида қандай мутахассис эканлигимни текшириб олиш мен учун қизиқарли бўлмоқда.
Чемпионатдан эса кучли рақобат бўлишини кутяпман. Ўйлайманки, мавсум охирига қадар интрига давом этиб, мухлислар қизиқарли чемпионат гувоҳи бўлишади.