«Манчестер Юнайтед» ҳужумчи Маркус Рэшфорд билан шартномани узайтирмоқчи.
ESPN телеканалининг ўз манбаларига таяниб хабар беришича, бу масала клуб раҳбариятининг устувор йўналиши ҳисобланади. 24 ёшли футболчининг "Юнайтед" билан амалдаги шартномаси 2023 йилнинг июнигача амал қилади. Шартномада бир йилга узайтириш варианти бор ва клуб уни фаоллаштирмоқчи.
Қайд этилишича, мураббийлар штаби футболчининг формаси пастлигидан хавотирда бўлса-да, бу келишувнинг янгиланишига таъсир қилмайди.
Жорий мавсумда Решфорд Премьер-лигасида 11 та ўйин ўтказиб, 2 та гол урди ва 1 та голли узатмани амалга оширган.
