“Sky Sport Italia” нашри хабарига кўра, “Ювентус” ҳужум чизиғини кучайтириш борасида давом этмоқда.
Манбага кўра, “Зенит”нинг эронлик ҳужумчиси Сердар Азмун Турин клубининг асосий мақсади ҳисобланади. Аммо, “Ювентус” Азмунни трансфер қила олмаса, “Барселона” аъзоси Мемфис Депай номзодига ўтади.
Олдинроқ “Зенит” Азмун учун Турин клубидан 20 миллион евро сўрагани хабар қилинганди. Бундан ташқари, эронлик футболчининг хизматларига “Ньюкасл Юнайтед” ва “Лион” клублари қизиқиш билдирмоқда. Мазкур клуб “Зенит” футболчи учун 6 миллион евро таклиф қилган.
Жорий мавсумда эронлик футболчи барча турнирларда 21 та учрашувда 10 та гол урди ва 4 та голли узатмани амалга оширди. Азмуннинг Россия клуби билан шартномаси мавсум охирида якунига етади. Трансфермаркт ўйинчининг бозор нархини 25 миллион еврога баҳоламоқда. Ҳужумчи “Зенит”да 2019 йилнинг январидан бери ўйнамоқда.
