“Sky Sport Italia” nashri xabariga ko‘ra, “Yuventus” hujum chizig‘ini kuchaytirish borasida davom etmoqda.

Manbaga ko‘ra, “Zenit”ning eronlik hujumchisi Serdar Azmun Turin klubining asosiy maqsadi hisoblanadi. Ammo, “Yuventus” Azmunni transfer qila olmasa, “Barselona” a’zosi Memfis Depay nomzodiga o‘tadi.

Oldinroq “Zenit” Azmun uchun Turin klubidan 20 million yevro so‘ragani xabar qilingandi. Bundan tashqari, eronlik futbolchining xizmatlariga “Nyukasl Yunayted” va “Lion” klublari qiziqish bildirmoqda. Mazkur klub “Zenit” futbolchi uchun 6 million yevro taklif qilgan.

Joriy mavsumda eronlik futbolchi barcha turnirlarda 21 ta uchrashuvda 10 ta gol urdi va 4 ta golli uzatmani amalga oshirdi. Azmunning Rossiya klubi bilan shartnomasi mavsum oxirida yakuniga yetadi. Transfermarkt o‘yinchining bozor narxini 25 million yevroga baholamoqda. Hujumchi “Zenit”da 2019 yilning yanvaridan beri o‘ynamoqda.