«Бавария» Дортмунднинг «Боруссия» клуби ҳужумчиси Эрлинг Холанд билан боғлиқ вазиятни кузатиб бормоқда, деб хабар беради Sport Bild.
Манбага кўра, клуб норвегияликнинг агенти Мино Райола билан боғланиб, эҳтимолий трансфер масаласини муҳокама қилган. Аммо, агар «Бавария» Роберт Левандовски билан узоқ муддатли шартнома имзоласа, Холанднинг ўтиши муаммоли бўлади.
Футболчи жорий мавсумда «Боруссия» сафида 16 та ўйинда майдонга тушиб, 19 та гол урди ва 5 та голли узатмани амалга оширди. Ҳужумчининг Дортмунд клуби билан шартномаси 2024 йилнинг 30 июнига қадар мўлжалланган. Трансфермаркт портали унинг қийматини 150 миллион еврога баҳоламоқда.
