«Арсенал» футболчиси Гранит Жака ўз жамоадоши Александр Ляказетт ҳақида фикр билдирди. У шундай дейди:
«Ҳозирда Лака бизнинг сардоримиз. Мен бундан хурсандман. У биз учун майдонда ва ундан ташқарида ҳам жуда керак. Уни жамоадаги ҳамма яхши кўради. Уни ҳаммамиз ҳурмат қиламиз. Мен ҳар бир жамоада у каби футболчилар бўлиши керак деб ҳисоблайман. Ляказетт жуда қувноқ ва киришимли йигит. Очиқкўнгиллиги сабаб, у билан исталган вақтда гаплаша оласиз. Ўйлайманки, у сардор сифатида тўғри танланган».
Эслатиб ўтамиз, Жака 2019 йилда хулқи сабаб сардорлик боғичидан маҳрум этилган эди.
