"Манчестер Юнайтед" кейинги мавсум учун янги мураббий топишга ҳаракат қилмоқда. Хабарларда "ПСЖ" мураббийи Маурисио Почеттино энг асосий номзод сифатида кўрсатилмоқда.
Аммо вақтинчалик жамоани бошқараётган Ральф Рангник бошқа номзодни маъқул кўрмоқда. Бу "Аякс" устози Эрик Тен Хагдир. Рангник мавсум якунланганидан кейин ҳам жамоада қолади ва консултантлик қилади.
Шу сабаб келажакда ўзига мос ўринбосарни истамоқда. Тен Хаг бу борада Рангникнинг севимлиларидан биридир. 51 ёшли мураббий 2018-2019 йилги мавсумда "Аякс"ни чемпион қилган ва ЕЧЛ ярим финалига етиб борган эди.
