Жозе Моуриньо Ўзбекистон миллий терма жамоаси ва “Рома” клуби ҳужумчиси Элдор Шомуродовнинг ўйинини танқид қилгани ҳақида аввал хабар бергандик. “Рома”нинг португалиялик мутахассиси Элдорнинг “Ювентус”га қарши ўйиндаги ўйинидан норози бўлди.

Жозе ўтказиб юборилган голда Шомуродовни айблади. Мураббий футболчининг ҳужумдаги ҳаракатларидан ҳам норози эди.

Спорт нашрлари хабарига кўра, “Рома” раҳбарияти ҳам Жозенинг натижаларидан норозилигини билдирмоқда. Раҳбарият португалиялик мутахассис ёзда катта трансфер кампаниясидан сўнг яхши натижа кўрсатиши керак, деб ҳисобламоқда. Шунингдек, “Рома” Элдор Шомуродовнинг ҳолатидан норози. Клуб 20 миллион евролик футболчи захира ўриндиғига ўтирмаслиги керак деб ҳисобламоқда.

Раҳбариятнинг фикрича, Жозе Элдордан нотўғри фойдаланмоқда ва унга керакли вақтни бермаяпти. Дастлабки ўйинларда кўп гол урган футболчи жамоада муҳим роль ўйнамай қолганидан менежернинг айби деб ҳисоблашмоқда, дейди ОАВ.

Эслатиб ўтамиз, “Рома” 21-турдан сўнг Италия чемпионатида 6-ўринни эгаллаб турибди. Мавсум бошида Моуриньо олдига ТОП-4 га кириш вазифаси қўйилган эди.