Англия ҳаваскорлар лигасида тўп сурувчи "Уил Пауэр" клуби ўз майдонида "Нова-2010" клубини қабул қилди ва 58-0 ҳисобида ғалаба қозонди. Учрашувнинг биринчи таймида мезбонлар рақиб дарвозасига атиги (қўштирноқсиз айтяпман) 20 та гол киритишди.
Иккинчи таймда эса сидқи дилдан ижод қилишди, нақ 38 та гол йўллашди. Клуб ҳужумчиси Робби Баукер баскетболчилардан қолишмади: 18 та голга муаллифлик қилди. Унинг укаси Сюарт бўлса 10 голни ўз номитга расмийлаштирди. Қизиғи, ҳисоб 50-0 га етгач, меҳмонлар ҳакаман ўйинни тўхтатишни сўрашган. Шу тариқа ака-укаларнинг маҳорати эвазига "Уил Пауэр" Британия футболида рекордчига айланди. Дунё бўйича рекорд эса Мадагаскар чемпионатида содир бўлган.