Чили чемпионати доирасида ўтказилган "Коло Коло" ва "Палестино" учрашуви пайти 7,2 баллик зилзила содир бўлди, лекин футболчилар табиий офатга парво қилмай ўйнашда давом этишди.
"Монументал де Сантяго" стадионида ўтказилган ўйин пайти кучли ер қимирлаши содир бўлди. Трибуналар мухлисларнинг чинқириғидан ларзага келди. Ҳамма эшикка қараб югурди. Зилзила 40 сония давом этди. Футболчилар зилзила пайти ҳам ўйинни тўхтатишмади. Ушбу учрашувда "Палестино" клуби кичик ҳисобда ғалаба қозонди.