"Манчестер Юнайтед" ва Англия терма жамоасининг собиқ ҳимоячиси Гари Невилл АПЛнинг 22-туридан ўрин олган "Тоттенхэм"га қарши учрашув олдидан Лондоннинг "Арсенал" жамоасининг учрашувни бошқа санага қолдириш илтимосидан сўнг, Англия Премьер-лигасининг қолдириш тенденцияси ҳақида ғазаб билан гапирди.
“Мен чин дилдан ишонаманки, нафақат Премьер-лигада, балки Англиянинг бошқа дивизионларида ҳам барча жамоалар энди ўз ўйинларини ўтказишга тайёр бўлишлари керак.
Кўряпмизки,"Арсенал" бир нечта футболчиларини ижарага берди, Гранит Жака қизил карточка олган.Лекин бу ҳеч кимнинг айби эмас. Биз ўйинларни бекор қила олмаймиз. Уларнинг "Тоттенхэм" билан учрашувни кечиктириш ҳақидаги илтимоси рад этилиши керак.
"Манчестер Юнайтед" ва бошқа жамоаларда 30 дан 40 гача ўйинчи бор - улар бир ўйин учун 13 дан 16 тагача ўйинчини жамлай олишмасликларига ишонмайман", - деб Невилл сўзларини келтирган Sky Sports.
