Дортмунднинг "Боруссия" клуби бошқаруви раиси Ханс-Йоахим Ватцке жамоа ҳужумчиси Эрлинг Холанднинг клуб футболчига босим ўтказаётгани ҳақидаги сўзларига муносабат билдирди.
“Эрлинг ёш йигит, у бошқалардан ўзига хослиги билан ажралиб туради. Холанд билан муаммомиз йўқ, лекин у бизнинг позициямизни тушуниши керак. Биз унинг қарорини май ойининг охиригача кута олмаймиз. Эрлинга ҳеч қандай босим ўтказмаймиз. Ҳозирча ҳеч қандай музокаралар ёки учрашувлар йўқ, шунинг учун мен унинг гапларини тушунмаяпман", - дея Ватцке сўзларидан иқтибос келтирган "Sport1de".
Олдинроқ 21 ёшли Холанд дортмундликлар норвегиялик футболчидан келажаги борасида бир қарорга келишини талаб қилишини айтганди. Футболчига Европанинг бир қатор топ-клублари қизиқиш билдирмоқда, жумладан, “Реал” ва “Барселона”.
