Янги мавсумга тайёргарликни давом эттираётган "қалдирғочлар" бугун илк синов-назорат ўйинида майдонга тушди.

Айтиш керак, “Бунёдкор” бутун учрашувда деярли янгиланган, ёшарган таркибда тўп сурди. Шуҳрат Мақсудов бошчилигидаги мураббийлар штаби қисқа вақт ичида академия тарбияланувчиларидан иборат яхши жамоа шакллантиргани кўринди.

Ўтган мавсум ўринбосарлар жамоасининг асосини ташкил қилган ёшлар ягона гол эвазига илк назорат ўйинида ғалаба қозонди. Иккинчи бўлимда майдонга тушган Алфайзи Неъматов учрашув якунланиши арафасида ҳимоячидан тўпни олиб қўйиб, ерлатиб дарвозанинг узоқ бурчагини нишонга олди. Бу гол ўйин тақдирини ҳал қилди.

НАЗОРАТ УЧРАШУВИ
“БУНЁДКОР” – “ҚЎҚОН-1912” – 1:0
15 январь. Тошкент. “Бунёдкор” академияси майдони.

Бош ҳакам: Шавкат Насибуллаев.

“Бунёдкор”: Суҳробжон Султонов, Фарҳод Мираҳматов, Давронжон Эргашев, Жаҳонгир Ўрозов, Фарҳод Ўткиров, Одилжон Абдураҳмонов, Суҳроб Иззатов, Билол Туплиев, Зафар Турсунов, Ҳусайн Эргашбоев, Усмонали Исмоналиев.

Захирадан тушганлар: Зафар Сафоев (Сарвар Каримов), Маҳмуд Маҳамаджонов, Хуршид Убайдуллаев, Ғайрат Азизхўжаев, Сирожиддин Башриддинов, Жаҳонгир Абдусаломов (Икром Эркинов), Музаффар Олимжонов, Умидбек Султонов (Азиз Пирмуҳаммадов), Алфайзи Неъматов.

Гол: Алфайзи Неъматов, 87 – 1:0.