Yangi mavsumga tayyorgarlikni davom ettirayotgan "qaldirg‘ochlar" bugun ilk sinov-nazorat o‘yinida maydonga tushdi.
Aytish kerak, “Bunyodkor” butun uchrashuvda deyarli yangilangan, yoshargan tarkibda to‘p surdi. Shuhrat Maqsudov boshchiligidagi murabbiylar shtabi qisqa vaqt ichida akademiya tarbiyalanuvchilaridan iborat yaxshi jamoa shakllantirgani ko‘rindi.
O‘tgan mavsum o‘rinbosarlar jamoasining asosini tashkil qilgan yoshlar yagona gol evaziga ilk nazorat o‘yinida g‘alaba qozondi. Ikkinchi bo‘limda maydonga tushgan Alfayzi Ne’matov uchrashuv yakunlanishi arafasida himoyachidan to‘pni olib qo‘yib, yerlatib darvozaning uzoq burchagini nishonga oldi. Bu gol o‘yin taqdirini hal qildi.
NAZORAT UCHRASHUVI
“BUNYODKOR” – “QO‘QON-1912” – 1:0
15 yanvar. Toshkent. “Bunyodkor” akademiyasi maydoni.
Bosh hakam: Shavkat Nasibullayev.
“Bunyodkor”: Suhrobjon Sultonov, Farhod Mirahmatov, Davronjon Ergashev, Jahongir O‘rozov, Farhod O‘tkirov, Odiljon Abdurahmonov, Suhrob Izzatov, Bilol Tupliyev, Zafar Tursunov, Husayn Ergashboyev, Usmonali Ismonaliyev.
Zaxiradan tushganlar: Zafar Safoyev (Sarvar Karimov), Mahmud Mahamadjonov, Xurshid Ubaydullayev, G‘ayrat Azizxo‘jayev, Sirojiddin Bashriddinov, Jahongir Abdusalomov (Ikrom Erkinov), Muzaffar Olimjonov, Umidbek Sultonov (Aziz Pirmuhammadov), Alfayzi Ne’matov.
Gol: Alfayzi Ne’matov, 87 – 1:0.
