"Бавария" ҳужумчиси Роберт Левандовски Германия чемпионати доирасидаги "Кёлн"га қарши ўйинда хет-трик қайд этди.
Ҳужумчи 9, 63 ва 74-дақиқаларда гол урди.
Польшалик футболчи шу тариқа Бундеслигада урган голлари сонини 300 тага етказди. Фақат Герд Мюллерда ундан кўпроқ гол мавжуд - 365.
Умуман олганда, 33 ёшли футболчи жорий мавсумда “Бавария” сафида 27 та ўйинда майдонга тушиб, 34 та гол уришга муваффақ бўлди.
Шунингдек, у турнирнинг 19 учрашувида 23 та гол билан Бундеслига тўпурарлари рўйхатини бошқариб турибди.
