Бугун, 15 январь куни Бирмингемдаги “Вилла Парк” стадионида Англия премьер-лигасининг 2021/2022 йилги мавсуми 22-тури доирасида “Астон Вилла” ўз майдонида “Манчестер Юнайтед”ни қабул қилди. Жамоалар дуранг ўйнашди - 2:2.

6-дақиқада “қизил иблислар” ярим ҳимоячиси Бруно Фернандеш ҳисобни очди, унга Алекс Теллес ассистентлик қилди. 67-дақиқада португалиялик дубл қайд этди, Фред ҳисобига голли узатмани амалга оширди.

77-дақиқада “шерлар” ярим ҳимоячиси Жейкоб Ремси гол урди, Филиппе Коутиньо самарали узатмани амалга оширди. Бразилиялик футболчи Бирмингем клубидаги дебютини 68-дақиқада захирадан майдонга тушганидан сўнг ўтказди. 82-дақиқада бразилиялик футболчининг ўзи гол урди. Ремси голли узатмани амалга оширди.

"Манчестер Юнайтед" 32 очко билан Премьер-лига турнир жадвалида 7-ўринни эгаллаб турибди. "Астон Вилла" 23 очко билан турнир жадвалида 13-ўринда жойлашган.