“Рома” бош мураббийи Жозе Моуриньо А серия доирасида “Кальяри” устидан қозонилган ғалаба ҳақидаги таассуротлари билан ўртоқлашар экан, жамоасининг ушбу қарама-қаршиликдаги ўйинини таҳлил қилди.

“Бу жуда муҳим ғалаба. Вазиятни назорат қилдик, аммо яна дуранг қайд этишимиз мумкин эди, бизни Патрисио ўзининг сейвлари билан қутқариб қолди. Энди бизни олдинда кучсизроқ жамоалар билан учрашувлар кутиб турибди, аммо аутсайдерлар билан қандай очко йўқотганимизни унутганим йўқ. Бизга Оливейра каби кўпроқ ўйинчилар керак - тажрибали, етук, ўйиннинг маълум дақиқаларида ўзини қандай тутишни биладиган”, - деди Моуриньо матбуот анжуманида.

Қўшимча қиламизки, айнан Серхио Оливейра дебют учрашувида пенальтини голга айлантириб, римликларга уч очко келтирди. Бу ҳафта 29 ёшли ярим ҳимоячи “Порту”дан Италияга кўчиб ўтди.