Мадриднинг “Реал” клуби Испания Суперкубоги финалида “Атлетик”ни мағлуб этди (2:0) ва турнир ғолибига айланди.
Мадридликлар ҳимоячиси Марсело учун бу мадридликлар билан қўлга киритилган 23-совриндир.
Энди у бу борадаги клуб рекордини Франсиско Хенто билан бўлишиб турибди, у ҳам “қироллик клуби” сафида 23 та совринга эга. Серхио Рамос (22) ва Маноло Санчис (21) кейинги ўринларни эгаллади.
Марсело 2007 йилдан бери “Реал”да ўйнаб келмоқда. У беш марта Испания чемпионлиги ва Суперкубогини, тўрт марта Чемпионлар лигаси ва клублар ўртасидаги жаҳон чемпионлигини қўлга киритди. У уч марта УЕФА Суперкубоги ва икки марта Қирол кубогини қўлга киритган.
Бразилиялик футболчининг шартномаси шу ёзда якунига етади. Катта эҳтимол билан у клубни текинга тарк этади.
