“Аякс” ҳимоячиси Николас Тальяфико қишда Голландия чемпионатини тарк этиб, Европанинг етакчи клубларидан бирига ўтиши мумкин. Футболчига “Наполи” ва “Челси” даъвогарлик қилмоқда.
Журналист Фабрицио Романо ўзининг твиттер саҳифасида неаполликлар расмий таклиф билан аллақачон “Аякс”га мурожаат қилишганига ишонтирмоқда. Тақдим этилган маълумотларга кўра, Италия жамоаси кейинчалик сотиб олиш имконияти билан ижара шартномаси тузмоқчи.
Ўз навбатида “Челси” 29 ёшли аргентиналик футболчи борасида қарор қабул қилишга шошилмаяпти, чунки улар бошқа вариантларни ҳам кўриб чиқмоқда. Хусусан, лондонликлар ПСЖдан Левен Курзавага ҳам қизиқиш билдиришмоқда.
Қайд этиш жоиз, Трансфермаркт нашри Тальяфиконинг нархини 16 миллион еврога баҳоламоқда.