“Ayaks” himoyachisi Nikolas Talyafiko qishda Gollandiya chempionatini tark etib, Yevropaning yetakchi klublaridan biriga o‘tishi mumkin. Futbolchiga “Napoli” va “Chelsi” da’vogarlik qilmoqda.

Jurnalist Fabrisio Romano o‘zining tvitter sahifasida neapolliklar rasmiy taklif bilan allaqachon “Ayaks”ga murojaat qilishganiga ishontirmoqda. Taqdim etilgan ma’lumotlarga ko‘ra, Italiya jamoasi keyinchalik sotib olish imkoniyati bilan ijara shartnomasi tuzmoqchi.

O‘z navbatida “Chelsi” 29 yoshli argentinalik futbolchi borasida qaror qabul qilishga shoshilmayapti, chunki ular boshqa variantlarni ham ko‘rib chiqmoqda. Xususan, londonliklar PSJdan Leven Kurzavaga ham qiziqish bildirishmoqda.

Qayd etish joiz, Transfermarkt nashri Talyafikoning narxini 16 million yevroga baholamoqda.