"Манчестер Сити" "Барселона" ярим ҳимоячиси Нико Гонсалесни ўз сафига қўшиб олмоқчи. Инглиз клуби ярим ҳимоя чизиғини кучайтириш вариантларини қидирмоқда, бош мураббий Хосеп Гвардиола эса испаниялик футболчини бунинг учун идеал вариант деб ҳисобламоқда. Бу ҳақда Fichajes хабар бермоқда.
Манбага кўра, "Барселона" 20 ёшли футболчини сотиш масаласини кўриб чиқишга тайёр эмас, шунинг учун унинг трансфери учун катта сумма сўрашади. Нико жорий мавсумда Ла Лигада 17 та ўйинда майдонга тушиб, 2 та гол ва 1 та голли узатмани амалга оширди. Ярим ҳимоячининг шартномаси 2024 йилда тугайди, Трансфермаркт Никони 20 миллион еврога баҳоламоқда.
