"Manchester Siti" "Barselona" yarim himoyachisi Niko Gonsalesni o‘z safiga qo‘shib olmoqchi. Ingliz klubi yarim himoya chizig‘ini kuchaytirish variantlarini qidirmoqda, bosh murabbiy Xosep Gvardiola esa ispaniyalik futbolchini buning uchun ideal variant deb hisoblamoqda. Bu haqda Fichajes xabar bermoqda.

Manbaga ko‘ra, "Barselona" 20 yoshli futbolchini sotish masalasini ko‘rib chiqishga tayyor emas, shuning uchun uning transferi uchun katta summa so‘rashadi. Niko joriy mavsumda La Ligada 17 ta o‘yinda maydonga tushib, 2 ta gol va 1 ta golli uzatmani amalga oshirdi. Yarim himoyachining shartnomasi 2024 yilda tugaydi, Transfermarkt Nikoni 20 million yevroga baholamoqda.