"Челси" дарвозабони Кепа Арризабалага яна лондонликлар таркибидаги биринчи рақамга айланди. Асосий дарвозабон Эдуард Менди Африка кубогига жўнаб кетди ва у ерда Сенегал терма жамоаси сафида ўйнамоқда.
"Бу ой менда доимий ўйнаш имконияти бор, гарчи охирги ойларда мен ҳар 15 ёки ҳатто 20 кунда майдонга тушаётган бўлсам ҳам. Энди мен тез-тез ўйнай оламан - буни ҳар бир футболчи хоҳлайди. Тўғри, бир неча ой олдин тўлиқ ўйинда қатнашиш имкониятим йўқ эди ва мен буни жанг қилишга тайёр ҳолда қабул қилдим. Энди мен ўйнаяпман, хурсандман. Бу мен излаётган нарса эди.
Мен ҳар доим ўзимнинг энг яхши томонларимни кўрсатишга интилганман. Аввало, ичимда хотиржамликни ҳис қилишим керак эди. Бунинг учун қўлимдан келганини қилдим”, - дейди Кепа DAZNнашрига.
