Испаниянинг “Барселона” клуби ҳужумчи Усмон Дембеле билан яқин икки кун ичида клубдаги муаммосини ҳал қилмоқчи. Бу ҳақда football-espana твиттерида хабар берди.
Аввалроқ, 24 ёшли франциялик футболчи "Барселона" билан шартномани узайтиришни режалаштирмайотгани ҳақида хабар берилганди. Дембеле январда жамоани тарк этишни режалаштирмаяпти, бироқ шартнома муддати тугагач, 30 июнь куни клубни текинга тарк этади. Дембеле ўзини жаҳон даражасидаги футболчи деб билишини ва шунга яраша маош олиши кераклигини айтди. "Барселона" Дембеленинг талабларини бажаришга тайёр эмас.
24 ёшли футболчи жорий мавсумда Ла Лигада 6 та ўйинда майдонга тушди ва 2 та голли узатмани амалга оширди.
