“Манчестер Юнайтед” Испания Ла Лигасининг энг яхши мутахассисларидан бирига эътибор қаратди. “Todofichajes” нашри хабарига кўра, “Атлетико Мадрид” устози Диего Симеоне “қизил иблислар”ни бошқариши мумкин.
Манбанинг хабарига кўра, аргентиналик 51 ёшли мураббий жорий мавсум якунида “матрасчилар”ни тарк этиши мумкин. “Атлетико” Испания чемпионатининг жорий мавсумида бешинчи ўринни эгаллаб турибди ва бу кулб раҳбариятига унча маъқул эмас. Натижаларнинг ёмонлашуви туфайли раҳбарият жамоа билан ўн йилдан ортиқ вақт давомида ишлаган мураббийнинг истеъфоси ҳақида ўйлай бошлашди. Диегонинг “матрасчилар” билан шартномаси 2024 йилгача мўлжалланган.
