“Manchester Yunayted” Ispaniya La Ligasining eng yaxshi mutaxassislaridan biriga e’tibor qaratdi. “Todofichajes” nashri xabariga ko‘ra, “Atletiko Madrid” ustozi Diyego Simeone “qizil iblislar”ni boshqarishi mumkin.
Manbaning xabariga ko‘ra, argentinalik 51 yoshli murabbiy joriy mavsum yakunida “matraschilar”ni tark etishi mumkin. “Atletiko” Ispaniya chempionatining joriy mavsumida beshinchi o‘rinni egallab turibdi va bu kulb rahbariyatiga uncha ma’qul emas. Natijalarning yomonlashuvi tufayli rahbariyat jamoa bilan o‘n yildan ortiq vaqt davomida ishlagan murabbiyning iste’fosi haqida o‘ylay boshlashdi. Diyegoning “matraschilar” bilan shartnomasi 2024 yilgacha mo‘ljallangan.
